व्यक्तिमत्व विकासाची शिदोरी

About Author

लेखका विषयी: गेली अनेक वर्ष “मानव संसाधन विभागात” काम करत असताना मला विविध गोष्टींचा व व्यक्तिमत्त्वाच्या पैलूचा अभ्यास करायला मिळाला ही मी माझ्या भाग्याची गोष्ट मानतो. विविध आस्थापनेमध्ये काम करत असताना, विविध प्रकारचे व्यक्तिमत्व पाहिलेली आहेत. समाजामध्ये वावरत असताना किंवा कोणत्याही कार्यक्षेत्रात काम करत असताना व्यक्तींची वैशिष्ट्य आणि त्याचे वर्तन हा महत्त्वाचा टप्पा मानला जातो. अशा गतिमान व्यक्तिमत्त्वाच्या वर्तणुकीच्या पैलूचा मी सखोल अभ्यास केलेला आहे. केवळ स्वतःच्या वर्तणुकीचे बारकाईने निरीक्षण केल्याने, मी माझ्या व माझ्या सवयीत खूप काही बदल करू शकलो, जरी माझे पदवी पर्यंतचे शिक्षण ग्रामीण भागात व तसेच तालुक्याच्या ठिकाणी झालेले असल्यामुळे, सातत्याने एक उणीव भासत राहिली ती म्हणजे स्वत:चा व्यक्तिमत्वचा विकास. पुण्यासारख्या शहरामध्ये आल्यानंतर हा अभाव मोठ्या प्रमाणात माझ्यामध्ये जाणवू लागला व मी माझ्या दृढ निश्चयाने व तीव्र इच्छाच्या जोरावरती व्यक्तिमत्व विकासाचा अभ्यास करण्याचा विडा उचलला 2007 पासून विविध आस्थापनेमध्ये काम करत असताना सुद्धा मी माझे शिक्षण कधीही थांबू दिले नाही. शिक्षणाची व वाचनाची आवड असल्यामुळे मी सतत शिकत राहिलो. विद्यार्थी दशेतून मी कधीही बाहेर आलो नाही. बी.ए. ही पदवी घेतल्यानंतर एम.पी.एम., डी.एल.एल.अॅड एल.डब्ल्यू., एल.एल.बी., एल.एल.एम. अशाप्रकारे शैक्षणिक पदव्या प्राप्त केल्या, त्या केवळ प्रबळ इच्छाशक्तीच्या जोरावरती. मी थोडा धार्मिक असल्यामुळे मला माझ्यामध्ये बदल करण्यास व सकारात्मक विचार उत्पन्न करण्यास कोणताही अडथळा निर्माण झाला नाही. पर्यायी अनेक चांगल्या सवयी मी स्वतःला लावून घेतल्या, ध्येय ठरवणे, उद्दिष्ट पूर्ण करणे, जिद्द, चिकाटी, उत्साह, धाडस, आत्मविश्वास अशा अनेक पैलूला' मी माझ्यात सामावून घेतले लोकांच्या हसण्याकडे, अपमानाकडे नकारात्मक वृत्तीकडे नेहमी दुर्लक्ष करत राहिलो, त्यामुळेच तर आज हा दिवस उजाडला असे म्हणायला हरकत नाही. कल्याणी टेक्नोफोर्ज लिमिटेड (भारत फोर्ज) तसेच रिंग प्लस अक्या लिमिटेड (रेमंड ग्रुप) यासारख्या नामांकित कंपन्यासोबत मी चांगल्या पदावरती काम केले आहे. व्यक्तिमत्व विकास म्हणजे काय याचा प्रत्यक्ष अनुभव मी घेतलेला आहे. माझ्या सानिध्यात येणार-या प्रत्येक मित्राला, सहकार्याला, विद्यार्थयाना तसेच थोरा-मोठ्यांन