About author : ಸಿರಸಿ ಸಮೀಪದ ಖರ್ಜಿಮನೆ ನನ್ನೂರು, ಹಿರಿಯ ಪ್ರಾಥಮಿಕ ಶಾಲೆ ವಡ್ಡಿನಗದ್ದೆ ಇಲ್ಲಿ ನನ್ನ ಪ್ರಾಥಮಿಕ ಶಿಕ್ಷಣ ಮುಗಿಸಿ, ಮಾಧ್ಯಮಿಕ ನೀರನಹಳ್ಳಿಯಲ್ಲಿ ಹತ್ತನೇ ತರಗತಿಯವರೆಗೂ ಓದಿ ನಂತರ ಡಿಗ್ರಿಯನ್ನು ಪ್ರೈವೇಟ್ ಆಗಿ ಮುಗಿಸಿದ್ದೇನೆ. ಸಾಮಾನ್ಯ ಬಡವರ್ಗದಲ್ಲಿ ಜನಿಸಿದ ನಾನು ಯುನಿವರ್ಸಿಟಿಗಿಂತಲೂ ಹೆಚ್ಙಾಗಿ ಕಲಿತಿದ್ದು ಅನೇಕ ಲೇಖಕರ ಪುಸ್ತಕಗಳನ್ನು ಓದಿದ್ದರಿಂದ, ಆ ಓದುವಿಕೆ ನನ್ನ ಬರವಣಿಗೆಗೆ ತುಸು ಹೆಚ್ಚಾಗಿಯೇ ಸಹಾಯ ಮಾಡಿದೆ ಎನ್ನಬಹುದು. ಪ್ರಸ್ತುತ ಕಾರ್ಕಳದಲ್ಲಿ ಬ್ಯುಸಿನೆಸ್ ವುಮೆನ್ ಆಗಿ ಸ್ವಂತ ಅಂಗಡಿಯೊಂದಿಗೆ ಬರವಣಿಗೆ ಮುಂದುವರೆಸಿದ್ದೇನೆ. ಕವನ, ಲೇಖನಗಳು ವಿಶ್ವವಾಣಿ ಆರಾಮ ಪುರವಣಿಯಲ್ಲಿ, ಕುಟುಂಬ ಆರ್ಟಿಕಲ್ ಉದಯವಾಣಿ ಮುಂಬೈ ಎಡಿಷನ್ ಅಲ್ಲಿ ಪ್ರಕಟವಾಗಿದೆ. (ಮೊದಲನೇ ಕರೋನ ಕಾಲದಲ್ಲಿ) ಕಥೆಗಳು ಕೇವಲ ಕಾಲ್ಪನಿಕವಾಗಿರದೇ ಜೀವನದ ಮುಖಗಳನ್ನು ತೆಗೆದಿಡಬೇಕು ಎಂಬುದೇ ನನ್ನ ಬರಹಕ್ಕೆ ಸ್ಪೂರ್ತಿ. ಡಿಜಿಟಲ್ ಮಾಧ್ಯಮವನ್ನು ಉಪಯೋಗಿಸಿಕೊಂಡು ನಮ್ಮ ದೇಶದ ಕೌಟುಂಬಿಕ ಪದ್ದತಿಗಳ ಪುನುರುಥ್ಥಾನವೇ ನನ್ನ ಕಥೆಯ ಆಶಯ. ಲೇಖನಗಳಿಂದ ಸಾಧ್ಯವಾಗುವುದನ್ನು ಸಾಧಿಸುವ ಮನೋಭಾವ ನನ್ನದು. ಶಾರದ ಭಟ್ಟ

About book : *ಹರಿದ್ವರ್ಣ* ಇದು ಪ್ರತಿ ಮನೆ ಮನಸ್ಸುಗಳ ಒಳಗಿನ ಆತ್ಮಗಳ ಅನಾವರಣ... "ಮನುಷ್ಯನನ್ನು ಒಂದು ಘಟನೆ ಮೃಗವಾಗಿಸಿದರೇ ಇನ್ನೊಂದು ಘಟನೆ ಮಗುವನ್ನಾಗಿ ಮಾಡುತ್ತದೆ". ಪ್ರಶ್ನೆಗಳು ಏಳುತ್ತಲೇ ಹೋಗುವಾಗ ಉತ್ತರಗಳ ಗೊಂದಲ ಮುಗಿಯುವುದೇ ಇಲ್ಲ. ಕರುಣೆ, ಪ್ರೀತಿ, ಕ್ರೌರ್ಯ ಎಲ್ಲವೂ ನಮ್ಮೋಳಗೆ ಇರುವ ವಿಕಾರಗಳು. ನಮ್ಮೋಳಗೆ ನಾವು ಇಣುಕದೇ ಹೊರಗಡೆಯ ನೆಮ್ಮದಿಗೆ ಕೈ ಚಾಚಿದರೇ ಮನುಷ್ಯನ ಜೀವನದ ಮೌಲ್ಯ ಕೆಳಗೆ ಕುಸಿದು ಮಾನಸಿಕತೆ ಇನ್ನಷ್ಟು ಆಳಕ್ಕೆ ಇಳಿಯುವುದು. ಈ ಕಥಾ ಹಂದರದಲ್ಲಿ ಆಗಾಗ ಇಣುಕಿ ಪ್ರತಿಯೊಬ್ಬನನ್ನು ಕನ್ನಡಿಯ ಮುಂದೆ ನಿಲ್ಲಿಸುವ ಸಣ್ಣ ಪ್ರಯತ್ನ ಅಷ್ಟೇ. ಹರಿದ್ವರ್ಣ ಬದುಕಿನಲ್ಲೂ ಮೂಡಿ ಬಂದು ನಿಮ್ಮೇಲ್ಲರಿಗೂ ತಲುಪುವಂತೆ ಮಾಡಬಹುದು ಎಂಬ ನಿರೀಕ್ಷೆ ಅಷ್ಟೆ ! ಶಾರಾದಾ ಭಟ್ಟ