About author : शिरीष हे फिटनेस बद्दल कमालीची जागरूक असलेले एक व्यक्तीमत्व आहे .आणि तो गेल्या बऱ्याच वर्षांपासून वजन प्रशिक्षणाचा सराव करत आहे. इतर सर्व बॉडी बिल्डर्स प्रमाणे त्याचे पण ध्येय एक चांगले शरीर कमावणे आणि वजन प्रशिक्षणातून जास्तीत जास्त फायदा मिळवणे हे आहे. जिम मधील विविध प्रशिक्षकां बरोबर काम केल्यानंतर , वजन प्रशिक्षणाबद्दल च्या त्यांच्या जिज्ञासे ने वजन प्रशिक्षणाबद्दल अधिक माहिती आणि ज्ञान मिळवण्यास त्यांना प्रेरित केले . .साल २०१५ मध्ये त्यांनी फिटनेस ट्रेनर चे सर्टिफिकेट 'इंटरनॅशनल स्पोर्ट्स सायन्स एसोसिएशन कडून मिळवले. साल २०१६ मध्ये त्यानी वी शेप जिम्नॅशिअम या नावाने आपली स्वतःची जिम चालू केली जिचा लोगो शेप युअर बॉडी इंटू व्ही शेप ( आपल्या शरीराचा आकार व्ही आकारात करा) हा आहे. .त्यांची जिम आणि त्यांच्या प्रशिक्षणाच्या शैलीला मिळालेल्या जबरदस्त प्रतिसादामुळे त्यानी साल २०१८ मध्ये इंटरनॅशनल स्पोर्ट्स सायन्स एसोसिएशन कडून बॉडी बिल्डिंग स्पेशालिस्ट आणि फिटनेस नुट्रीशन कोच ही दोन सर्टिफिकेट मिळवली. जिम मधील ट्रेनर्स आणि जिमच्या सदस्यांबरोबर वेळोवेळी केलेल्या चर्चांमधून त्यांच्या हे लक्षात आले की वजन उचलण्याच्या व्यायामांबद्दल बरेच गैर समज आणि चुकीची मते सर्व सामान्य लोकांमध्ये तसेच चांगल्या बॉडी बिल्डर्स मध्ये पण आहेत. म्हणून त्यांनी असा विचार केला की त्यांना इंटरनॅशनल स्पोर्ट्स सायन्स एसोसिएशन च्या सर्टिफिकेट कोर्सेस मधून जे प्रचंड आणि अमूल्य ज्ञान मिळालेले आहे ते त्या सर्व लोकांपर्यंत पोहोचले पाहिजे ज्यांना वजन उचलण्याचे व्यायाम करण्यात किंवा सुरु करण्यात रस आहे आणि ज्यांना तंदुरुस्त आणि चपळ शरीर बनवायचे आहे .या पुस्तकाच्या माध्यमातून वजन उचलण्याच्या व्यायामाबद्दल ची योग्य आणि चांगली माहिती सरळ आणि सोप्या शब्दां मधून सर्व लोकां पर्यंत पोहोचवण्याचा एक विनम्र प्रयत्न केला आहे.

About book : वजन उचलण्याचे व्यायाम जास्त फायदेशीर की कार्डिओव्हॅस्क्युलर व्यायाम जास्त फायदेशीर हा वाद गेल्या कित्येक वर्षांपासून चालू आहे. वजन कमी करणे किंवा लठ्ठपणा (फॅट) कमी करण्यासाठी कार्डिओ व्हॅस्कुलर व्यायाम करणेच योग्य आहे असा एक सर्वसामान्य मतप्रवाह आहे. वजन उचलण्याच्या व्यायामा बद्दलच्या या गैर समजुतींमुळे आणि चुकीच्या मतांमुळे ,जिम मध्ये जाणारे खूप लोक वजन उचलण्याच्या व्यायामा मुळे मिळणाऱ्या फायद्यांपासून वंचित राहतात. वजन उचलण्याच्या व्यायामा बद्दल अजून एक गैर समज हा आहे की स्त्रियांनी हे व्यायाम करू नयेत कारण त्यांनी जर हे व्यायाम केले तर त्यांचे शरीर पण पुरुषांसारखे पिळदार बनेल. त्यामुळे बहुतेक जिम्स मधील कार्डिओ विभाग हा स्त्रिया आणि मध्यमवर्गीय लोकांनी भरलेला असतो. खरेतर सत्य हेच आहे की वजन उचलण्याचे व्यायाम हे वजन किंवा लठ्ठपणा कमी करण्यासाठी सर्वात योग्य आहेत. वजन उचलण्याचे व्यायाम करण्यासाठी भरपूर (उष्मांक ) कॅलरीज तर वापरल्या जातातच पण त्याचवेळेस हे व्यायाम करण्यामुळे शरीराचा चयापचय दर ( मेटाबॉलिजम) पण वाढतो जो शरीराचे वजन आणि शरीरातील लठ्ठपणा कमी करण्यासाठी अतिशय आवश्यक आहे. तरुण मुलें ज्यांना वजन उचलण्याचे व्यायाम खूप आवडतात , ती दोन प्रकारात मोडतात. पहिल्या प्रकारात ती मुलें येतात जी जिम ला कधी गेलीच नाहीत आणि त्यांना जिम मध्ये जायला संकोच वाटतो किंवा ज्यांना वजन उचलण्याच्या व्यायामाबद्दल फारशी माहिती नाही आहे. जर ती मुलें कधी जिमला गेली तर त्यांना पहिले काही दिवस जिम मधील ट्रेनर्स वजन उचलण्याचे व्यायाम शिकवतात आणि नंतर त्यांना शिकवणे बंद करतात कारण जिम मध्ये खूप मेंबर्स असल्यामुळे ट्रेनर्स कडे वेळ नसतो ट्रेनर्स ना स्वतःलाच वेगवेगळ्या व्यायामांच्या प्रकाराबद्दल जास्त माहीत नसते ट्रेनर्स ना व्यक्तिगत शिक्षण ( पर्सनल ट्रेनिंग ) देण्यात जास्त रस असतो ज़े बहुतेक सामान्य मुलांना परवडत नाही . दुसऱ्या प्रकारात ते लोक येतात ज़े वजन उचलण्याचे व्यायाम करणारे सराईत लोक आहेत आणि बऱ्याच कालावधी पासून वजन उचलण्याचे व्यायाम करत आहेत. या लोकांचा शरीर पिळदार बनवण्याचा वेग थोडासा थांबल्यासारखा आहे आणि ते एका ठराविक मर्यादेपलीकडे जास्त प्रगती करू शकत नाही आहेत. त्यांना कोणाचे मार्गदर्शन घ्यावे हे कळेनासे झाले आहे कारण जिम मधील ट्रेनर्सनाच बॉडी बि